Forsætisráðherra sendir samúðarkveðju vegna árása í Barcelona

Bjarni Benediktsson forsætisráðherra, hefur í dag sent Mariano Rajoy forsætisráðherra Spánar og spænsku þjóðinni samúðarkveðju vegna árása í Barcelona í gær, fyrir hönd ríkisstjórnar Íslands.

Forsætisráðherra fundar með sendinefnd Yamal-Nenets

Bjarni Benediktsson forsætisráðherra fundaði fyrr í vikunni með sendinefnd frá rússneska sjálfstjórnarhéraðinu Yamal-Nenets sem stödd er hér á landi.

699/2017. Úrskurður frá 27. júlí 2017

Kærð var synjun Þingvallaþjóðgarðs og umhverfis- og auðlindaráðuneytisins á beiðni kæranda um afhendingu gagna er varða kaup ríkisins á sumarhúsi á Valhallarstíg nyrðri 13 og niðurrif á því. Úrskurðarnefnd um upplýsingamál tók fram að hvorki Þingvallaþjóðgarður, Þingvallanefnd né íslenska ríkið geti talist eiga mikilvægra fjárhags- eða viðskiptahagsmuna að gæta af því að upplýsingar um kaup hins opinbera á fasteign fari leynt í skilningi 9. gr. upplýsingalaga nr. 140/2012. Almenningur hafi hins vegar ríka hagsmuni af því að geta kynnt sér gögn um ráðstöfun opinberra hagsmuna. Var því lagt fyrir Þingvallaþjóðgarð að veita kæranda aðgang að umbeðnum gögnum.…

698/2017. Úrskurður frá 27. júlí 2017

Kærð var afgreiðsla Bílastæðasjóðs Reykjavíkur á beiðni kæranda um aðgang að upplýsingum og gögnum um stöðumælasektir í Reykjavíkurborg. Úrskurðarnefnd um upplýsingamál leit svo á að beiðni kæranda lyti ekki að því að fá í hendur öll gögn um stöðumælasektir í vörslum Bílastæðasjóðs, heldur að upplýsingar yrðu teknar saman. Þar sem umbeðið gagn var ekki talið fyrirliggjandi var kæru kæranda vísað frá úrskurðarnefnd um upplýsingamál.

697/2017. Úrskurður frá 27. júlí 2017

<p>Deilt var um rétt kæranda til aðgangs að skýrslu Náttúrufræðistofnunar Íslands um rannsókn á myglusveppum í tveimur sýnum úr gólfefnum í skólastjórabústað við Húnavallaskóla en skýrslan var í&nbsp;vörslum Fasteigna Húnavatnshrepps.&nbsp;Kærandi hafði haft búsetu í húsnæðinu sem skýrslan fjallaði um og fór því um rétt hans til aðgangs eftir 1. mgr. 14. gr. upplýsingalaga nr. 140/2012. Úrskurðarnefnd um upplýsingamál taldi engin rök hafa verið færð fram fyrir því að synja bæri kæranda um aðgang að skýrslunni. Var því synjunin felld úr gildi. </p>

696/2017. Úrskurður frá 27. júlí 2017

Kærð var afgreiðsla Ríkisútvarpsins ohf. á beiðni kæranda um aðgang að gögnum sem tengjast honum og notuð voru til umfjöllunar í Kastljóssþætti sem sýndur var í sjónvarpinu. Úrskurðarnefnd um upplýsingamál taldi sig ekki hafa forsendur til að rengja þá fullyrðingu RÚV að gögnin væru ekki í vörslum félagsins heldur hafi félagið fengið aðgang að gögnum hjá þriðja aðila við vinnslu fréttarinnar. Var því kærunni vísað frá úrskurðarnefnd um upplýsingamál.

695/2017. Úrskurður frá 27. júlí 2017

Deilt var um afgreiðslu Þingeyjarsveitar á beiðni um afrit af öllum gögnum í tengslum við samning sveitarfélagsins við Landsnet hf. frá 26. september 2014 um fébætur vegna lagningar háspennulínu um jörðina Þeistareyki. Úrskurðarnefnd um upplýsingamál taldi sig ekki hafa forsendur til að rengja þær staðhæfingar sveitarfélagsins að öll gögn hefðu verið afhent kæranda. Var því kærunni vísað frá úrskurðarnefnd um upplýsingamál.

694/2017. Úrskurður frá 27. júlí 2017

ágúst 2017 / Úrskurðarnefnd um upplýsingamál 694/2017. Úrskurður frá 27

693/2017. Úrskurður frá 27. júlí 2017

Kærð var synjun velferðarráðuneytisins á synjun beiðni um aðgang að öllum gögnum í vörslum ráðuneytisins sem varði&nbsp;þjónustu kæranda&nbsp;og bárust ráðuneytinu á tilteknu tímabili. Ráðuneytið&nbsp;afhenti kæranda&nbsp;umbeðin gögn&nbsp;en synjaði um aðgang tilteknum bréfaskiptum með vísan til 3. tl. 6. gr. upplýsingalaga. Úrskurðarnefndin taldi hluta gagnanna heyra undir undanþáguákvæðið og staðfesti synjun ráðuneytisins á beiðni um aðgang að þeim. Úrskurðarnefndin féllst hins vegar ekki á að fylgiskjöl með bréfum féllu undir undanþáguákvæðið og taldi kæranda eiga rétt til aðgangs að þeim á grundvelli 1. mgr. 14. gr. upplýsingalaga.

Rætt um Brexit og fiskveiðistjórnunarkerfið á Íslandi

Bjarni Benediktsson, forsætisráðherra fundaði í gær 1. ágúst, með Michael Gove ráðherra umhverfis,- matvælaframleiðslu- og byggðamála​ í Bretlandi en sjávarútvegsmál heyra undir ráðuneyti hans.

Hamingjustund með Sri Sri Ravi Shankar

Bjarni Benediktsson forsætisráðherra átti fund í dag með indverska friðarerindrekanum Sri Sri Ravi Shankar.

692/2017. Úrskurður frá 6. júlí 2017

Kæru vegna synjunar&nbsp;á aðgangi að gögnum í vörslum Langanesbyggðar var vísað frá úrskurðarnefnd um upplýsingamál þar sem sveitarfélagið afhenti kæranda gögnin eftir að kæra barst.

691/2017. Úrskurður frá 6. júlí 2017

<p>Kærð var synjun Matvælastofnunar á beiðni blaðamanns um aðgang að gögnum um aðbúnað dýra á tilteknu lögbýli. Synjun stofnunarinnar var byggð á á 9. gr. upplýsingalaga. Úrskurðarnefnd um upplýsingamál taldi ljóst að þær upplýsingar sem fram kæmu í gögnunum varði&nbsp;einkamálefni einstaklinga í skilningi 9. gr. upplýsingalaga. Þegar vegnir&nbsp;væru saman hagsmunir aðila málsins af því að upplýsingar um viðkvæm persónuleg málefni þeirra fari leynt á móti þeim almennu hagsmunum sem felast í því að fjölmiðlar fái aðgang að gögnum um aðbúnað dýra, þótti nefndinni&nbsp;hinir fyrrgreindu vega þyngra. Var því ákvörðun Matvælastofnunar um synjun beiðni kæranda staðfest.</p>

690/2017. Úrskurður frá 6. júlí 2017

Kærð var synjun Akureyrarbæjar&nbsp;á aðgangi&nbsp;að launamiðum tiltekinna verktaka fyrir tiltekin ár en synjun sveitarfélagsins var reist á 9. gr. upplýsingalaga. Í málinu lá fyrir að sveitarfélagið hafði að eigin frumkvæði útbúið skjal með umbeðnum upplýsingum og sent þær með tölvupósti. Með hliðsjón af atvikum máls taldi úrskurðarnefnd um upplýsingamál tækt að fjalla um hvort kærandi ætti rétt til aðgangs að tölvupóstinum. Nefndin benti á að tölvupósturinn innibæri upplýsingar um ráðstöfun opinberra hagsmuna. Var það niðurstaða nefndarinnar að ekkert í gagninu væri þess eðlis að heimilt væri að takmarka aðgang kæranda að þeim vegna hagsmuna þriðja aðila, sbr. 9. gr. upplýsingalaga. Var því fallist á rétt kæranda til aðgangs að tölvupóstinum.&nbsp;&nbsp;

689/2017. Úrskurður frá 6. júlí 2017

<p>Kærð var synjun embættis landlæknis á beiðni um aðgang að samstarfssamningi embættisins, heilsugæslu höfuðborgarsvæðisins og TM Software um þróun á hugbúnaði. Synjun embættisins var byggð á því að í samningnum kæmu fram upplýsingar um mikilvæga fjárhags- og viðskiptahagsmuni TM Software sem sanngjarnt væri og eðlilegt að færu leynt, sbr. 9. gr. upplýsingalaga. Úrskurðarnefnd um upplýsingamál taldi ekki hafa verið sýnt fram á að í samningnum kæmu fram upplýsingar sem væru til þess fallnar að valda fyrirtækinu tjóni yrði aðgangur veittur. Þá var litið til þess að upplýsingarnar lytu með beinum hætti að ráðstöfun opinberra fjárhagslegra hagsmuna.…

688/2017. Úrskurður frá 6. júlí 2017

<p>Deilt var um aðgang að tilboðum fyrirtækis í gerð vefsíðna fyrir Reykjanesbæ sem synjaði um afhendingu gagnanna með vísan til 9. gr. upplýsingalaga. Úrskurðarnefnd um upplýsingamál taldi ekki að í gögnunum fælust upplýsingar um mikilvæga fjárhags- og viðskiptahagsmuni tilboðsgjafa að undanskildum upplýsingum um viðskiptamenn fyrirtækisins. Var því aðgangur veittur að hluta. Beiðni kæranda um tilboðsbeiðni sveitarfélagsins var vísað til nýrrar meðferðar þar sem ekki hafði verið tekin afstaða til aðgangs að því gagni.</p>

Aðgerðaáætlun í loftslagsmálum - Kallað eftir hugmyndum almennings

Vinna við aðgerðaáætlun í loftslagsmálum er hafin og hefur verið opnað sérstakt vefsvæði tileinkað vinnunni á slóðinni www.co2.is. Almenningur er hvattur til að senda hugmyndir og tillögur að aðgerðum til verkefnisstjórnar á netfangið loftslag@uar.is

Nýr umboðsmaður barna

Forsætisráðherra hefur skipað Salvöru Nordal, heimspeking, í embætti umboðsmanns barna til næstu fimm ára frá 1. júlí 2017 að telja.

Erlendir sérfræðingar veita ráðgjöf um mótun íslenskrar peninga- og gengisstefnu til framtíðar

Í mars sl. skipaði forsætisráðherra þriggja manna verkefnisstjórn til að leggja mat á peninga- og gengisstefnu Íslands eftir losun fjármagnshafta.

Forsætisráðuneytið óskar athugasemda við drög að reglugerð um frumkvæðisbirtingu upplýsinga

Forsætisráðuneytið hefur undanfarið unnið að setningu reglugerðar á grundvelli 4. mgr. 13. gr. upplýsingalaga nr. 140/2012. Ákveðið hefur verið að birta drög að reglugerðinni opinberlega og efna til opins samráðsferils um þau.

Ríkisstjórnin styður Grænlendinga í kjölfar berghlaups

Ríkisstjórnin samþykkti á fundi sínum í morgun, að tillögu forsætisráðherra og utanríkisráðherra, að veitt verði 40 milljóna króna framlag til Grænlendinga í kjölfar þess gríðarlega tjóns, sem varð í kjölfar berghlaups í Karrat firði í sveitarfélaginu Qaasuitsup á vesturströnd Grænlands sl. laugardag, 17. júní.

Þjóðaröryggisráð Lög nr. 98/2016 um þjóðaröryggisráð voru samþykkt á Alþingi 1. september 2016

Ávarp forsætisráðherra við úthlutun styrkja Jafnréttissjóðs 19. júní 2017

ATH: Þessi grein er eldri en 5 ára. 19 júní 2017 / Forsætisráðuneytið Ávarp forsætisráðherra við úthlutun styrkja Jafnréttissjóðs 19. júní 2017 Innilega til hamingju með daginn! Í dag verður úthlutað styrkjum úr Jafnréttissjóði Íslands í annað sinn

Starfshópur um hlutverk lífeyrissjóða í uppbyggingu atvinnulífs

Ráðherranefnd um efnahagsmál hefur fjallað um málefni lífeyrissjóða og ákveðið að forsætisráðherra skipi starfshóp um hlutverk þeirra í uppbyggingu atvinnulífs.

Hátíðarræða forsætisráðherra á 17. júní

Bjarni Bene­dikts­son for­sæt­is­ráðherra flutti hátíðarræðu á Aust­ur­velli á þjóðhátíðar­degi Íslend­inga, 17. júní.

Hátíðarræða forsætisráðherra á 17. júní

Bjarni Bene­dikts­son for­sæt­is­ráðherra flutti hátíðarræðu á Aust­ur­velli á þjóðhátíðar­degi Íslend­inga, 17. júní.

Forsætisráðherra fundar með forsætisráðherra Slóvakíu

Bjarni Benediktsson, forsætisráðherra, átti hádegisverðarfund í dag með Robert Fico, forsætisráðherra Slóvakíu.

Forsætisráðherra á hádegisverðarfund með forsætisráðherra Slóvakíu

Bjarni Benediktsson, forsætisráðherra, mun eiga hádegisverðarfund í dag í Ráðherrabústaðnum við Tjarnargötu með Robert Fico, forsætisráðherra Slóvakíu.

Ríkisstjórnin styður menningarkynningu í tengslum við EM kvenna

Ríkisstjórnin samþykkti í morgun, að tillögu forsætisráðherra og mennta- og menningarmálaráðherra, að verja 6 millj. kr. af ráðstöfunarfé ríkisstjórnar til menningarkynningar í tengslum við Evrópumót kvenna í knattspyrnu sem fram fer í Hollandi dagana 16. júlí til 6. ágúst næstkomandi.

685/2017. Úrskurður frá 2. júní 2017

júní 2017 / Úrskurðarnefnd um upplýsingamál 685/2017. Úrskurður frá 2

687/2017. Úrskurður frá 2. júní 2017

<p>Beiðni kæranda um afrit af skjölum í vörslum embættis landlæknis sem varði hana sjálfa og nefni hana á nafn var vísað til embættisins til nýrrar meðferðar og afgreiðslu. Af skýringum embættis landlæknis varð ekki annað ráðið en að embættið hafi ekki framkvæmt leit í skjalavörslukerfi sínu í tilefni gagnabeiðninnar en ljóst var af skjölum sem fylgdu kæru sem og umsögn embættisins að kærandi hafi verið í samskiptum við embættið sem embættinu var skylt að halda til haga, sbr. t.d. 2. mgr. 27. gr. upplýsingalaga nr. 140/2012.</p>

686/2017. Úrskurður frá 2. júní 2017

<p>Kæru vegna beiðni um upplýsingar um umsækjendur í starf við félagslega liðleiðslu fyrir börn og fullorðna hjá Vestmannaeyjabæ var vísað frá úrskurðarnefnd um upplýsingamál þar sem Vestmannaeyjabær hafði gefið þær skýringar að enginn hafi sótt um starfið. Lá því ekki fyrir synjun á afhendingu gagna, sbr. 1. mgr. 20. gr. upplýsingalaga.</p>

684/2017. Úrskurður frá 2. júní 2017

<p>Kærð var synjun atvinnuvega- og nýsköpunarráðuneytisins á beiðni um aðgang að gögnum varðandi ívilnunarsamning við Silicor Materials. Ráðuneytið hafði synjað um aðgang að gögnunum á þeim grundvelli að gögnin vörðuðu mikilvæga fjarhags- eða viðskiptahagsmuni Silicor Materials, sbr. 2. málsl. 9. gr. upplýsingalaga. Úrskurðarnefndin staðfesti synjun ráðuneytisins að hluta en taldi ekki sýnt fram á að sum gagnanna innihéldu trúnaðarupplýsingar sem sanngjarnt væri og eðlilegt að leynt færi. Var því kveðið á um skyldu ráðuneytisins til að afhenda kæranda þau gögn.</p>

683/2017. Úrskurður frá 2. júní 2017

<p>Kærandi óskaði eftir gögnum í vörslu Þjóðskjalasafns Íslands er varða Landsbanka Íslands. Úrskurðarnefnd tók fram að 1. mgr. 13. gr. nr. 87/1998 laga um opinbert eftirlit&nbsp; með fjármálastarfsemi og 1. mgr. 58. gr. laga nr. 161/2002 um Seðlabanka Íslands feli í sér sérstaka þagnarskyldu og takmarki þar af leiðandi aðgang almennings á grundvelli 5. gr. upplýsingalaga. Talið var að hluti umbeðinna gagna féllu undir þessar þagnarskyldureglur og þar af leiðandi ekki unnt að veita aðgang að þeim. Var því synjun Þjóðskjalasafns Íslands staðfest. </p>

682/2017. Úrskurður frá 2. júní 2017

<p>Kærð var afgreiðsla Þjóðskjalasafns Íslands á beiðni um aðgang að gögnum sem tengjast&nbsp;Landsbanka Íslands&nbsp;Úrskurðarnefndin taldi ýmis samskipti starfsmanna bankans og annarra lúta þagnarskylduákvæði 1. mgr. 58. gr. laga nr. 161/2002 og taldi safnið bundið þagnarskyldunni samkvæmt 2. mgr. ákvæðisins. Þá&nbsp;væri einnig að finna í umbeðnum gögnum upplýsingar sem vörðuðu mikilvæg einkamálefni&nbsp; sem sanngjarnt&nbsp;væri og eðlilegt að fari leynt á grundvelli 9. gr. upplýsingalaga nr. 140/2012. Staðfest var synjun Þjóðskjalasafnsins á beiðni um aðgang að öllum umbeðnum gögnum nema minnisblaði Fjármálaeftirlitsins frá nóvember 2008.</p>

Öryggismál rædd á fundi þjóðaröryggisráðs

Þjóðaröryggisráð kom saman í dag og fór yfir ýmis mál er tengjast almennt öryggisvörnum landsins í nútíð og framtíð. Í þjóðaröryggisráði sitja 11 fulltrúar. Forsætisráðherra er formaður ráðsins og stýrir fundum þess.

44 umsækjendur um embætti umboðsmanns barna

46 umsóknir bárust um embætti umboðsmanns barna sem forsætisráðuneytið auglýsti laust til umsóknar 5. maí síðastliðinn en tveir umsækjendur drógu umsókn sína til baka.

Finnum færð þjóðargjöf á 100 ára sjálfstæðisafmæli

Í tilefni af 100 ára afmæli sjálfstæðis Finnlands, færði forseti Íslands, Guðni Th. Jóhannesson, finnsku þjóðinni listaverkið Afsteypu - Cast - eftir Hrein Friðfinnsson í Helsinki í dag. Listaverkinu fylgir áritaður skjöldur þar sem fram kemur að gjöfin sé frá ríkisstjórn Íslands til finnsku þjóðarinnar.

Forsætisráðherrar Norðurlandanna hvetja forseta Bandaríkjanna að standa við Parísarsamkomulagið

Forsætisráðherrar Norðurlandanna hafa sent Donald J. Trump, forseta Bandaríkjanna, sameiginlegt bréf þar sem hann er hvattur til að standa við Parísarsamkomulagið í loftlagsmálum.

Forsætisráðherra fundar tvíhliða með öllum forsætisráðherrum Norðurlanda

Í tengslum við sumarfund forsætisráðherra Norðurlanda sem haldinn hefur verið í Bergen sl. daga, átti Bjarni Benediktsson, forsætisráðherra, tvíhliða fundi með öllum forsætisráðherrum Norðurlanda - Ernu Solberg, forsætisráðherra Noregs, Juha Sipilä, forsætisráðherra Finnlands, Lars Løkke Rasmussen, forsætisráðherra Danmerkur og Stefan Löfven, forsætisráðherra Svíþjóðar

Forsætisráðherrar Norðurlandanna funda í Bergen

Á fyrri degi sumarfundar forsætisráðherra Norðurlandanna sem haldinn er í Bergen 29. og 30 maí, var norræn samvinna rædd svo og ýmis alþjóða- og öryggismál.

Forsætisráðherrar Norðurlanda funda í Bergen 29. og 30. maí

Bjarni Benediktsson, forsætisráðherra, sækir sumarfund forsætisráðherra Norðurlanda sem haldinn verður 29. og 30. maí í Bergen í boði Ernu Solberg, forsætisráðherra Noregs.

Úrskurðarnefnd um upplýsingamál Úrskurðarnefnd um upplýsingamál er starfrækt á grundvelli V. kafla upplýsingalaga nr. 140/2012 til að leysa úr ágreiningsmálum um aðgang almennings að upplýsingum hjá stjórnvöldum

Almannavarna- og öryggismálaráð Í lögum um almannavarnir sem tóku gildi 1. júní 2008 og voru birt í Stjórnartíðindum 19. júní 2008 segir um hlutverk almannavarna- og öryggismálaráðs: „Stefna stjórnvalda í almannavarna- og öryggismálum skal mörkuð af almannavarna- og öryggismálaráði til þriggja ára í senn

Almannavarna- og öryggismálaráð Í lögum um almannavarnir sem tóku gildi 1. júní 2008 og voru birt í Stjórnartíðindum 19. júní 2008 segir um hlutverk almannavarna- og öryggismálaráðs: „Stefna stjórnvalda í almannavarna- og öryggismálum skal mörkuð af almannavarna- og öryggismálaráði til þriggja ára í senn

Framlag Íslands mikils metið

Bjarni Benediktsson, forsætisráðherra, fundaði í dag með Jens Stoltenberg, framkvæmdastjóra Atlantshafsbandalagsins, í tengslum við fund leiðtoga bandalagsins sem fram fór í Brussel.

Leiðtogar Atlantshafsbandalagsins funda í Brussel

Þróun öryggismála, efling sameiginlegra varna og baráttan gegn hryðjuverkum voru meðal umræðuefna á fundi leiðtoga Atlantshafsbandalagsins í Brussel í dag.

Forsætisráðherra sækir leiðtogafund Atlantshafsbandalagsins í Brussel

Bjarni Benediktsson forsætisráðherra sækir leiðtogafund Atlantshafsbandalagsins (NATO) sem haldin er í Brussel 25. maí. Formleg dagskrá hefst síðdegis 25. maí og lýkur í kjölfar vinnukvöldverðar.

Forsætisráðherra sendir samúðarkveðju vegna árásarinnar í Manchester

Bjarni Benediktsson, forsætisráðherra, hefur í dag fyrir hönd ríkisstjórnar Íslands vottað fórnarlömbum og aðstandendum árásarinnar í Manchester samúð sína.

Þjóðaröryggisráð kemur saman í fyrsta sinn

Þjóðaröryggisráð kom saman í fyrsta sinn í dag en lög um þjóðaröryggisráð voru samþykkt á þingi í september á síðasta ári.