Kosning utan kjörfundar í Finnlandi og umdæmislöndum vegna þjóðaratkvæðagreiðslu um aðildarviðræður við Evrópusambandið

Utankjörfundaratkvæðagreiðsla vegna þjóðaratkvæðagreiðslu um aðildarviðræður við Evrópusambandið sem fer fram 29. ágúst nk. hefst hjá sendiráðinu og kjörræðismönnum Íslands mánudaginn 27. júlí.

Í sendiráðinu í Helsinki er hægt að greiða atkvæði á virkum dögum milli kl. 10:00 16:00 fram til 28. ágúst.

• Athugið að sendiráðið er lokað mánudaginn 3. ágúst.

Einnig er hægt að kjósa hjá kjörræðismönnum Íslands í Finnlandi, Eistlandi, Lettlandi og Litháen eftir samkomulagi.

• Mikilvægt: hafa þar samband við kjörræðismenn fyrirfram.
• Nánari upplýsingar um opnunartíma hjá kjörræðismönnum Íslands í Finnlandi, Eistlandi, Lettlandi og Litháen er að finna á síðu utanríkisráðuneytisins.

Kjósendur þurfa að framvísa gildum persónuskilríkjum með nafni, kennitölu og mynd, svo sem vegabréfi, nafnskírteini eða ökuskírteini, eða á annan fullnægjandi hátt að mati kjörstjóra t.d ef kjósandi framvísar gildu erlendu skilríki og getur upplýst um íslenska kennitöluna sína og er sannarlega á kjörskrá. 

Íslenskur ríkisborgari, sem hefur átt lögheimili á Íslandi, á kosningarrétt í 16 ár frá því að hann flytur lögheimili af landinu. Eftir þann tíma þarf kjósandi að sækja um að vera settur aftur á kjörskrá til Þjóðskrár Íslands. Hafi umsókn hans verið samþykkt gildir hún í fjögur ár.

Kjörskrá verður birt 24. júlí. Eftir þann dag geta kjósendur flett upp hvort og hvar þeir eru á kjörskrá á vef Þjóðskrár. Nánar um uppflettingu í kjörskrá og kosningarétt í athugasemdum.

Kjósandi ber sjálfur ábyrgð á að koma atkvæði sínu á réttan stað. Hægt er að setja bréfið í póst, eða afhenda það einhverjum sem kjósandi felur að koma því til skila. Kjörstjóra er þó skylt, ef kjósandi óskar þess, að koma bréfinu í almennan póst.

Ef senda á atkvæði með pósti er mælt með að kjósa tímanlega og taka mið af sendingartíma og áreiðanleika póstþjónustu þess ríkis sem kosið er í.

Nánari upplýsingar:

• Sjá vefsíðu landskjörstjórnar um framkvæmd utankjörfundaratkvæðagreiðslu.
• Sjá upplýsingavef utanríkisráðuneytisins um þjóðaratkvæðagreiðslu um framhald aðildarviðræðna við Evrópusambandið.
• Upplýsingar um sendiskrifstofur Íslands og kjörræðismenn eftir löndum og borgum.